اولموشام مدّتدی قبروندن حسین دور آغلارام
اؤلسم گلّـم اورکـده وار بو منظور آغلارام
هر کس اولدی دهرده بیر مه‌لقانون عاشقی
منده اولدوم بیر حسین بیر کربلانون عاشقی
رسمدور عاشق اولار نی تک نوانون عاشقی
اولموشام سر پنج? عشقونده مقهور آغلارام
غصّه‌دن قانیله دولموش گؤگلومون پیمانه‌سی
اولموشام عشقونده من بیر نحویله غم خانه‌سی
آدیمـی سسلـر حسینیلـر حسیـن دیوانه‌سی
ایلیوب عشقون منی دیوانه مشهور آغلارام
من گدا سن بیرجه شاهنشاه گردون بارگاه
گیزلین عشقیـم وارسنه آگه‌سن ای سرّالاه
گر گدا شاهـه اولا عاشـق دگول شاها گناه
عشق جرم اولسا وارام جرمومده معذور آغلارام
من گنهکاری آقا درک ایتممیش پیک اجل
گوش? چشمیله بیـر لطف ایله ای صبح ازل
یا منی اِیسته گلیم یا جان‌ویرن وقتیمده گل
گورسون عزرائیل الیمده واردی منشور آغلارام
گر منـی ایتسـه مَخَیّـر کـردگار ذوالمنن
کربلانی ایستوسن یا روض? رضوانی سن
ایسترم کربوبلانـی نیلـورم فردوسی من
قبـروه قـالام مجاور تـا دم صور آغلارام
ایلورم بیر عمر دور شش‌گوشه قبرون آرزو
طوف ایدم قبرون قیلام اشگیله گردین شستشو
محشـره بـو خدمتیلـه اَخـذ ایدم بیـر آبرو
اولماسام بو خدمته ای‌شاه مأمور آغلارام
بیرده گورسیدیم اگر بالای سرده دورموشام
کاس? چشمی سرشگ چشمیله دولدورموشام
اکبـره پائیـن پــا ده بـزم ماتـم قورموشام
فاش ایدوب قویمام قالا بوعشق مستور آغلارام
رحـم ایلــه بـو بی‌پناهیـن دیـد? گریانینه
قویما ممزوج اولسون اشگ حسرتی دل قانینه
گؤگلوم ایستور قبرووی آند اُولسون اکبرجانینه
یئتمسم وصله گوزومده واردی تا نور آغلارام
